22 female kottayam എന്ന വലിയ "ചെറിയ" സിനീമയുടെ അണിയറ പ്രവര്‍ത്തകര്‍ക്:-
മലയാള സിനിമയിലെ ഇപ്പോഴത്തെ മാറ്റം വളരെ കൌതുകത്തോടെയും പ്രതീക്ഷകളോടെയും വീക്ഷിക്കുന്ന ഒരു സാധാരണ പ്രേക്ഷകനാണ് ഞാന്‍. ഇവിടെ കുവൈറ്റില്‍ വളരെ നീണ്ട കാത്തിരിപ്പിന് ശേഷമാണു 22fk റിലീസ് ആകുന്നത്. അതുകൊണ്ട് തന്നെ വളരെ അധികം പ്രതീക്ഷകളോടെയാണ് ഞാന്‍ ഈ സിനിമയും കാണാന്‍ പോയത്.പക്ഷെ ഞങ്ങളുടെ പ്രതീക്ഷക്കും അപ്പുറം നിങ്ങള്‍ ഞങ്ങളെ കൊണ്ട് പോയി..നിങ്ങള്‍ക്കെല്ലാവര്‍ക്കും എന്റെ ഹൃദയത്തില്‍ തൊട്ടുള്ള അഭിനന്ദനങ്ങള്‍. പ്രത്ത്യേകിച്ച്ചു റീമയ്ക്ക്..wow..she was amazing...! ഇത്തരത്തിലുള്ള ഒരു സിനിമ, പ്രത്ത്യേകിച്ചു മലയാളികള്‍ക്ക് മുന്നില്‍ സമര്‍പ്പിക്കാന്‍ കാണിച്ച നിങ്ങളുടെ ചങ്കൂറ്റത്തെയും, ആ റോള്‍ ഭംഗിയായി നിര്‍വഹിക്കാന്‍ റീമയും ഫഹധും കാണിച്ച ധൈര്യത്തെയും എത്ര അഭിനന്ദിച്ചാലും മതി വരില്ല..കാരണം എവിടെയും ഒരു സ്ത്രീയുടെ വിജയം അത് ഒരിക്കലും അവനു താങ്ങാന്‍ കഴിയില്ല..പ്രത്ത്യേകിച്ച്ചു ഇവിടെ അവന്റെ ഏറ്റവും വലിയ അഹങ്കാരമായ അവന്റെ ജനനേന്ദ്രിയം ഛെദിച്ചു കൊണ്ടാണ് ഒരു പെണ്ണ് പ്രതികാരം ചെയ്യുന്നത് ! സാധാരണ നമ്മുടെ typical മലയാള സിനിമയില്‍ അല്ലെങ്കില്‍ ഇന്ത്യന്‍ സിനിമയില്‍ ഒരു സ്ത്രീയുടെ പുരുഷനോടുള്ള പ്രതികാരം അവള്‍ ഇനി എത്ര താര മൂല്യമുല്ലവള്‍ ആയാലും അംഗീകരിക്കാന്‍ നമ്മുടെ പുരുഷന്മാര്‍ക്കോ സ്ത്രീകള്ക്കോ കഴിയുമായിരുന്നില്ല. പക്ഷെ ഇവിടെ ആ ജനനേന്ദ്രിയ "ശസ്ത്രക്രിയക്ക്" ശേഷം സത്യത്തില്‍ ഞാന്‍ എഴുന്നേറ്റ്‌ നിന്ന് കയ്യടിച്ചു. അതിനു എനിക്ക് ആരുടേയും സപ്പോര്‍ട്ട് ലഭിച്ചില്ല എങ്കിലും..അങ്ങനെ ഞാന്‍ ചെയ്തില്ലെങ്കില്‍ അത് എന്റെ മനസ്സാക്ഷിയെ ഞാന്‍ കബളിപ്പിക്കലാകും എന്ന ചിന്തയായിരിക്കാം എന്നെ അതിനു പ്രേരിപ്പിച്ചത്‌..ഇത് കൊണ്ട് തന്നെയാണ് നമ്മുടെ കണ്ടു മടുത്ത മലയാള സിനിമയിലെ typical ഫെമിനിസ്റ്റുകളില്‍ നിന്നും ടെസ്സ തികച്ചും വ്യത്യസ്തവും സ്വീകാര്യതയും നേടുന്നത്. അതിഭാവുകത്തം തീരെ ഇല്ലാതെ, വളരെ സൂക്ഷമതയോടെ, തികച്ചും സ്വഭാവികമായാണ് നിങ്ങള്‍ ഓരോ ഫ്രൈമുകളും കൈകാര്യം ചെയ്തിരിക്കുന്നത് എന്നതിന് തെളിവ് ഈ സ്വീകാര്യത തന്നെയാണ്. എനിക്ക് ഇതിലെ ഓരോ ഫ്രൈമുകളും ഓരോ മനോഹര ചിത്രങ്ങളായാണ് അനുഭവപ്പെട്ടത്‌. പ്രത്യേകിച്ച് എടുത്തു പറയേണ്ട മറ്റൊരു കാര്യം ജയില്‍ സീനുകളെ കുറിച്ചാണ്. ഞാന്‍ കണ്ട മലയാള സിനിമ അല്ലെങ്കില്‍ ഇന്ത്യന്‍ സിനിമയില്‍ ജയിലിലെ അന്തരീക്ഷം ഇത്ര haunting ആയി ചിത്രീകരിച്ച ഒരു സിനിമ ഇത് വരെ ഉണ്ടായിട്ടില്ല എന്നാണ് എനിക്ക് തോന്നിയത്‌. അതും ഒരു വനിതാ ജയിലില്‍, ഒരു സംഘട്ടനമോ, ഭീകരന്തരീക്ഷമോ ഇല്ലാതെ തന്നെ,,,അതുകൊണ്ട് തന്നെയാണ് അത് എന്റെ മനസ്സില്‍ ഇപ്പോഴും നില നില്‍ക്കുന്നത്‌..കാരണം മുന്‍കാലങ്ങളില്‍ ഒരു ജയില്‍ സീന്‍ എന്ന് പറയുമ്പോള്‍ പല വിധ മുന്‍ വിധിയോടെ ആയിരിന്നു നമ്മള്‍ അതിനെ വരവെററ് കൊണ്ടിരുന്നത്..അത് ഈ സിനിമയില്‍ എനിക്ക് കാണാന്‍ കഴിഞ്ഞില്ല. ചിലപ്പോള്‍ അതുകൊണ്ടായിരിക്കാം എന്റെ മനസ്സില്‍ ജയിലിലെ ഓരോ നിമിഷവും ഇപ്പോഴും എന്നെ haunt ചെയ്തുകൊണ്ടിരിക്കുന്നത്...
തീയറ്ററില്‍ നിന്ന് ഇറങ്ങുമ്പോള്‍ ഞാന്‍ കൌതുകത്തോടെ സിനിമ കണ്ടിറങ്ങുന്ന ഓരോ സ്ത്രീകളുടെയും മുഖത്ത്‌ നോക്കുകയായിരുന്നു. അവരില്‍ അപ്പോള്‍ നിഴലിചിരുന്ന ആ ഒരു മനോ ധൈര്യവും അഭിമാനവും അവര്‍ വീട്ടിലെത്തുമ്പോഴേക്കും ചോര്‍ന്നു പോകില്ല എന്നാണ് എനിക്ക് തോന്നിയത്‌. സ്ത്രീകള്‍ക്കെതിരെ ഉള്ള അക്രമങ്ങള്‍ക്ക് പേര് കേട്ട നമ്മുടെ ഈ "സാംസ്കാരിക" കേരളത്തില്‍ സാമാന്യ പുരുഷന്‍മാര്‍ക്കു, പ്രത്തെകിച്ച് മലയാളിക്ക് ഇത് വരെ സ്ത്രീകളോട് ഉണ്ടായിരുന്ന സമീപനത്തില്‍ ഒരു നേരിയ വ്യത്യാസം ഈ സിനിമ മൂലം ഉണ്ടായാല്‍ അട്ഭുതപ്പെടെണ്ടതില്ല. അവിടെയാണ് ഒരു സാമൂഹിക പ്രതിബദ്ധത എന്ന നിലയിലും നിങ്ങളുടെ ഈ സംരംഭം വന്‍ വിജയമാകുന്നത്.രണ്ടു പെണ്‍ കുട്ടികളുടെ ഉപ്പയായ എനിക്ക് ഈ സിനിമ ഈ കലി യുഗത്തില്‍ കുറച്ചു പ്രതീക്ഷകളും ആത്മ ധൈര്യവും നല്‍കി എന്ന് പറയുന്നതിനു യാതൊരു മടിയുമില്ല. എന്നെപ്പോലെ ചിന്തിക്കുന്ന ഒട്ടേറെ മലയാളികള്‍ ഇവിടെ ഉണ്ടാകുമെന്ന് എനിക്ക് ഉറപ്പുണ്ട്.
പിന്നെ T G Ravi എന്ന ഒരു പ്രതിഭയുടെ തികച്ചും വ്യത്യസ്തവും, പ്രശംസനീയമായ ഒരു മുഖമാണ് ഈ ചിത്രത്തിലെ മറ്റൊരു മുഖ്യ വിഷയമായി എനിക്ക് തോന്നിയത്‌..അദ്ദേഹം ശരിക്കും എന്റെ കണ്ണ് നനയിച്ചു..അദ്ദേഹത്തിനു നന്ദി..! അത്പോലെ തന്നെ സത്താറും, പ്രതാപ്‌ പോത്തനും അവരുടെ ഭാഗം നന്നായി അവതരിപ്പിച്ചു..
ഒരു ചെറിയ കല്ല്‌ കടിയായി തോന്നിയത്‌ എന്തെന്നാല്‍...2012ല്‍ ലോകം അവസാനിക്കുമോ എന്ന റെസ്സയുടെ ആ ചോധ്യം തന്നെയാണ്..അവിടെ നിങ്ങള്‍ എന്താണ് ഉദേശിച്ചത്‌ എന്ന് എനിക്ക് മനസിലായില്ല...അത് ഒരു വൈരുദ്ധ്യമായി ഇപ്പോഴും എന്റെ മനസ്സില്‍ നില നില്‍ക്കുന്നു..
കഥാന്ത്യം, ഈ സിനിമക്ക് പിന്നിലുള്ള പ്രചോദിതമായ മറ്റു സിനിമകളെ കൂടി പ്രേക്ഷകര്‍ക്ക്‌ മുന്നില്‍ യാതൊരു മടിയുമില്ലാതെ തുറന്നു കാട്ടിയ നിങ്ങളുടെ ആത്മാര്‍ത്തതയും പ്രശംസനീയമാണ്...പ്രത്യേകിച്ചു മലയാള സിനിമ കോപ്പി അടി വിവാദങ്ങളില്‍ ശോഭ നഷ്ടപ്പെട്ട്കൊണ്ടിരിക്കുന്ന ഈ സമയത്ത്‌...!
എല്ലാവര്ക്കും ഒരിക്കല്‍ കൂടി എന്റെ അഭിനന്ദനങള്‍...
മുഹമ്മദ്‌ സാലിഹ് എടതിരിഞ്ഞി,
കുവൈറ്റ്‌
